PRETORIA-MARANATA, 28 Februarie 2016 AD,
10:15 (doop)
Votum
Seën
Ps 25:6,7
Wet
Ps 25:2,4
Gebed
Doopsformulier
& Gebed
Bediening
doop: Nileah van der Veen
Ps 105:5
Dankgebed
Skriflesing:
Mattheüs 20:17-21:11
Ps 22:1,5
Teks: Mattheüs
20:29-34
Preek
Ps 22:10,12
Gebed
Kollekte
Sb 8:2,4
Seën
Preek: Mattheüs 20:29-34
Miskien het
u al ooit die volgende woorde in ‘n lied gehoor: Kurie eleison. Christe
eleison.
Dit is
Griekse woorde wat afkomstig is uit vandag se teks.
In die
Grieks, die oorspronklike taal van die Nuwe Testament, staan daar in vers 30 en
31:
Of: Wees ons
barmhartig, Here.
Of: Betoon
medelye met ons, Here.
Kurie
eleison.
Dit was die
woorde wat die twee blinde bedelaars geroep het.
Tema: Wees ons barmhartig, Here, Seun van
Dawid!
-
Jesus stop ter wille van die
bedelaars -
Jesus stop ter wille van die
skare
-
Jesus stop ter wille van die
bedelaarsIn ons teks
vind ons ‘n episode uit die laaste groot reis wat Jesus gemaak het voor sy
kruisiging.Reeds in
Mattheüs 16 het Hy sy dissipels al begin voorberei op wat sou kom.In Mattheüs
16:21 vind ons die eerste aankondiging van sy lyde:“Van toe af
het Jesus begin om sy dissipels te toon dat Hy na Jerusalem moes gaan en veel
van die ouderlinge en owerpriesters en skrifgeleerdes moes ly, en gedood en op
die derde dag opgewek word.”Hierdie
laaste opmerking, dat hy opgewek sou word op die derde dag, het Petrus
waarskynlik nie meer gehoor nie.Want hy het
Jesus begin bestraf: “Mag God dit verhoed, Here, dit sal U nooit oorkom nie!”
(vers 22)Maar dit was
‘n feit dat die omstandighede in Jerusalem gevaarlik vir Jesus begin word het.Dit was
beslis gevaarlik vir Jesus om na daardie stad terug te keer.Die
dissipels het verkies om in die noorde te bly, in Galilea.En, soos
Petrus waarskynlik geredeneer het, ons sal eers na Jerusalem terugkeer, as ons
‘n magtige leër om ons heen versamel het.Nietemin het
Jesus tog besluit om met die reis rigting Jerusalem te begin.Die reis het
wel redelik lank gevat.Want orals
is Hy opgehou.Orals het Hy
genesings verrig, gepreek, wonders gedoen.Tog het
Jerusalem steeds nader gekom, en die spanning het gestyg.Aan die
ander kant, en dit het die dissipels in ‘n mate gerus gestel, het Jesus se
aanhang eksplosief toegeneem.‘n Steeds
groter skare het agter Hom aangeloop.En wanneer
die episode in ons teks plaasvind, is hulle eintlik al behoorlik naby
Jerusalem.Ons lees dat
Jesus met sy dissipels uit Jerigo vertrek het.Jerigo na
Jerusalem, dit is ongeveer 20 km.Jerigo lê in
die Jordaandal.Jerusalem
hoog op die berge.‘n Bergpas
wat steil opgaan.Maar dit kon
die skare nie keer nie.Hulle was
vasbeslote om saam te gaan tot in Jerusalem.Maar dan,
dan ontstaan daar oponthoud.Langs die
pad sit daar naamlik twee bedelaars.Twee blindes.
Jesus en die
skare het by hulle verbygekom.Ja Jesus se
aanhang onder die volk was groot.Dit sien ons
veral in die volgende hoofstuk, met die intog in Jerusalem.Die mense
wou Hom kroon as hulle koning.Hulle het
Hom begelei op weg na die koningstad, waar Hy sou gaan plaasneem op die troon.Die skare
het dit al voor hulle sien gebeur.Hulle kon
hulle dit al duidelik voorstel.Hulle het
dit al in hulle gedagtes gesien – so sou dit gebeur!Maar dan
opeens die twee blinde bedelaars langs die pad.Hulle wat
niks gesien het nie.Hulle het
maar net daar langs die pad sit en bedel.Logies dat
hulle nuuskierig geword het.Want nie
elke dag het so ‘n groot skare mense verbygekom nie.En toe hulle
hoor dat dit Jesus was, het hulle hulle kans gegryp.Want Jesus is
mos die Man wat kan genees!Hulle het
nie ‘n oomblik gewag nie, maar dadelik uitgeroep:Here, wees
ons barmhartig!Kyrie!
Eleison!Dan lees ons
die reaksie van die skare.Die skare
het hulle bestraf, dat hulle moes stilbly.Die skare
het gedink: Aggenee, alweer oponthoud!Bly stil.
Kan julle
nie sien Wie hier verbykom nie?Kan julle
nie sien waarheen ons oppad is nie?Nee, dit kon
die blinde bedelaars nie sien nie.Die skare
het dit egter gesien.Jesus, die
nuwe Koning, is op pad na Jerusalem.Daar gaan Hy
aanspraak maak op die troon.Hulle het
dit al sien gebeur.En daarom
bestraf hulle die bedelaars: moenie ons ophou nie!Ons moet
verder, daar wag belangrike dinge vir ons.Maar ja, dit
alles kon die bedelaars dus nie sien nie.En hulle kon
ook nie saam met die skare nie.Maar een
ding het hulle wel geweet: nou is dit ons kans!Nou is die
Heiland naby!En dus het
hulle weer geroep, en nog harder:Here, Seun
van Dawid, wees ons barmhartig!Toe het
Jesus stilgestaan.Hierdie keer
het Hy die bedelaars beslis gehoor, bo die rumoer van die skare uit.Ons ken die
naam van een van hulle – dit was Bartimeüs.En Jesus het
hulle nader geroep.Noudat Jesus
dit gedoen het, het die skare die bedelaars nie weer durf bestraf nie.Dus het
hulle na die blindes gegaan.Luister,
julle het geluk gehad.Kom, Hy roep
julle.En so het
die twee blindes by die Here Jesus gekom.Op die vraag
wat Jesus vir hulle moes doen, het hulle direk geantwoord:Here, dat
ons oë geopen mag word!En ons lees
dat Jesus hulle innig jammer gekry het.Hy het
medelyde met hulle gehad.Nie vir niks
het hulle geroep: Here, het medelye met ons nie.En toe het
Jesus hulle oë aangeraak, en onmiddelik daarna kon hulle sien en – lees ons –
het hulle Hom gevolg.Hulle het
geroep: Jesus, Seun van Dawid.Hierdie
uitdrukking dui daarop dat hulle Hom as Koning erken het.En as
onderdane het hulle hom dadelik begin volg, na die wonder.Ja, ‘n skitterende
wonder!Indrukwekkend,
dat Jesus so ‘n wonder kon verrig.Almal was
uitermate verbaas.Almal was
bly.Die blindes,
omdat hulle nou kon sien.En die
skare, omdat die oponthoud verby was, en hulle verder kon gaan rigting
Jerusalem.Maar
gemeente, was werklik almal bly?(Tema: Wees
ons barmhartig, Here, Seun van Dawid!
-
Jesus stop ter wille van die bedelaars)
-
Jesus stop ter wille van die
skareDaar was
naamlik een persoon wat op daardie oomblik nie so bly was nie.En dit was
die Here Jesus self.Dit sal nog
duideliker word in die volgende hoofstuk.Want toe Hy
onder die gejuig en Hosanna-geroep Jerusalem binnegekom het, het Hy nie vrolik
gekyk nie.Toe Hy in
die hoofstad aangekom het, het Hy ook nie iets vroliks gedoen nie.Inteendeel,
ons lees dat Hy kwaad geword het.Dat Hy die
mense en diere weggejaag het van die tempelplein af.Die skare
was egter bly.Hulle het
dit al voor hulle gesien: Jesus, hulle nuwe Koning.En nou is
hulle stewig oppad na Jerusalem.Vanaf nou
kan dinge net mooier word.Maar,
gemeenete, Jesus het ‘n totaal ander prentjie voor Hom gesien.Ja, die
skare was siende blind.Want daar
sou iets heel anders gebeur!Nogmaals,
skitterend dat Jesus hierdie wonder verrig het.Twee blindes
is genees.Maar,
gemeente, laat ons nie vashaak by die blote feit dat Jesus hierdie wonder verrig het nie.Maar laat
ons ons veral ook afvra: hoekom het
Jesus hierdie wonder verrig?Hoekom het Jesus hierdie wonder juis op hierdie
oomblik verrrig?Soos ons
weet uit die res van die Evangelie, het Jesus nie net wonders verrig ter wille
van die wonders nie.Hy het altyd
‘n bedoeling daarmee gehad.Hy wou die
mense altyd iets daarmee leer.Die wonders
het altyd sy prediking onderstreep.So laat ons
die vraag vra: hoekom het Hy juis nou hierdie wonder verrig?Wat wou Hy
die skare daarmee leer?Soos ek
genoem het, die skare het dit al voor hulle gesien.Die feit dat
hulle nou oppad was na Jerusalem, en dat Jesus daar hulle koning sou word.Hulle was
haastig.Die
bedelaars het hulle lastig geval.Kon die
bedelaars dan nie sien wat besig was om te gebeur nie?Nee, die
bedelaars kon nie sien nie.Tog het
Jesus stilgehou.Want wie was eintlik blind?
Was dit net
die bedelaars?Was die
skare nie self siende blind nie?Dit skare
het nie besef wat op koms was nie.Jesus het
stilgehou, om twee blindes te genees.Die skare
het ongeduldig hule afgevra, hoekom Hy nog meer tyd moes mors om nog mense
gesond te maak.Was daar nie
meer prioriteit dat Hy nou so gou moontlik die troon moes bestyg nie?Gemeente,
die skare was siende blind.Hulle het
nie mooi na hulle Heiland geluister nie.Hulle het na
hulle eie verwagtings geluister.Al meer
dikwels het Jesus die mense daarop gewys.Naamlik dat
Hy oppad is na Jerusalem, nie om Koning te word nie, maar om te ly en te sterf.Maar net
soos Petrus het die skare daardie opmerkings van die hand gewys.Moenie so
pessimisties wees nie, Here!Alles sal
regkom!Die wens was
die vader van die gedagte.Die skare,
en ook die dissipels, hulle het groot dinge verwag.Dink aan die
gedeelte voorafgaande aan ons teks.Die ma van
Johannes en Jakobus, twee dissipels, was ook al voorbereid.Sy het Jesus
daaraan herinner.Onthou,
Here, dat my seuns wel ‘n vooraanstaande plek kry in u koninkryk.Skare en
dissipels, hulle was siende blind.En juis
daarom, gemeente, het Jesus stilgehou.Hy het
gestop ter wille van die skare.Nie in die
eerste plek omdat hy opgesien het na die intog in Jerusalem, in teenstelling
tot die skare.Dit ook.
Daar het
verskriklike dinge vir hom gewag in Jerusalem.En Hy het
baie daarteen opgesien.As Hy dit
sou kon uitstel, as die beker aan Hom sou kon verbygaan...Tog het Hy hier
primêr stilgehou ter wille van die skare.Hierdie
wonder was ‘n teken.Twee blindes
wat begin sien.Maar sien
die skare wel?Gemeente,
sien ons wel?Is ons nie
dalk ook blind nie – siende blind nie?Dus, nie
toevallig het ons Here Jesus Christus hierdie wonder verrig, en juis op hierdie
oomblik nie.Die
evangelis Mattheüs sien hierdie wonder nie oor die hoof nie.Hoewel Jesus
geweldig baie wonders verrig het, en baie nie beskryf is nie, hierdie wonder
wel.Dit staan
hier as ‘n oponthoud, vlak voor Jesus se intog in Jerusalem.Om die
skare, en ook ons, tot besinning te bring.Dat ons sal
besef: Jesus moet eers blindes se oë open.Voordat Hy
verder gaan.Voordat Hy
gaan doen dit wat Hy moet doen.En ons hoort
ook daarby.Op die
oomblik van die oponthoud het die skare nog nie saam met die blindes geroep:
Here, wees ons barmhartig, nie.Die skare
het dit nie nodig gevind nie.Hulle sou
eerder geroep het, saam met die ma van Sebedeüs se seuns:Here, moenie
ons vergeet nie!As u op die
troon plaasneem.As u ministers
gaan aanstel.As u mense
nodig het vir u hofhouding.Here, ons
stap saam met U.Here, hooplik
sien U ons raak!Hooplik word
ons hiervoor beloon!Gemeente, in
die maand wat kom gaan ons weer Goeie Vrydag herdenk.Dit wat met
Jesus sou gebeur in Jerusalem.Die
lydensgeskiedenis.As ons die
komende maand weer hierdie geskiedenis gaan lees, vra jouself af of jy ook
blind is.Soek u, soek
jy ook hulp by Dawid se Seun?Durf jy ook
te roep saam met die bedelaars:Here, Seun
van Dawid, wees my barmhartig!Here,
ontferm U!Here, U is
my Koning.Maar nie ‘n
gewone aardse koning nie.Jesus het
gestop ter wille van die skare.Terwille van
u ook.Laat ons nie
blind wees vir ons eie ellende nie.Onbewus van
die feit dat ons siende blind is nie.Die Messias
is nie die Koning van die sterkes nie.Hy het gekom
om sondaars te roep.Vir blindes
wat vir genade smeek.Hoe pynlik
moes dit nie vir die Here Jesus gewees het nie.Dat sy eie
volk volslae blind was vir die eintlike doel van sy koms.Sy koms na
Jerusalem.Sy koms na
die aarde.Blind vir
hulle eie ellende.Blind vir
hulle eie sonde.Blind vir
hulle eie voorbarige gedrag.Blind vir
hulle eie skuld.En toe dit
‘n paar dae daarna duidelik geword het wat eintlik in Jerusalem sou gebeur, toe
het die skare belangstelling verloor.Van die
skare wat uit Jerigo vertrek het, het net ‘n handjievol dissipels oorgebly.Hulle het
nog saam met Hom nagmaal gevier.Maar in die
nag daarop het hulle Hom ook verlaat.Hulle het
Hom nie tot die einde toe gevolg nie.Gemeente, om
Jesus te volg, dit is die enigste medisyne vir ons blindheid.Om Jesus te
volg, dit sorg dat ons siende bly.Daardeur kan
ons dinge skerp sien.Is jy bereid
om Jesus te volg?Ook as dit
moeilik word?As die weg
agter Hom aan beteken dat jy aardse gemakke agter jou moet laat?Ook as Jesus
beheer wil hê oor jou beursie, jou kredietkaart?Ook as Jesus
deur sy Woord aan jou karakter skaaf?Ook as Jesus
beheer wil hê oor jou vrugbaarheid?Ook as Jesus
beheer wil hê oor jou tydsindeling?Bly jy dan
volg?Destyds was
die skare entoesiasties.Hulle wou
nie net vir Jesus volg nie, hulle wou selfs voor Hom uit loop.Hulle het
geweet waarheen, en Jesus moes eintlik vir hulle volg.En veral ook
vinnig genoeg.Maar Jesus
het demonstratief stilgehou.Hy het tyd
geneem vir twee blinde bedelaars.Die skare se
blindheid is ook vandag baie van ons se blindheid.Ja, ons glo
in God.Ja, ons wil
Hom dien.Ja, ons wil
kerk toe gaan.Maar wie
volg?Moet Jesus ons volg.
Of volg ons Jesus?
Waarheen Hy
ook gaan.Nie na die
triomf nie, nog nie, eers na Golgota.“As iemand
agter My aan wil kom, moet hy homself verloën en sy kruis opneem en My volg.”
(Matth 16:24)Hierdie
soort volg is ons nie aangebore nie.Die ouers
wat vanoggend hulle doopbelofte afgelê het, kry daarom ook ‘n belangrike taak.Hulle dogter
sal nie outomaties haar Heiland begin volg nie.Die vra
geloofsopvoeding.Elkeen van
ons moet ons eie wil eers kruisig, voordat ons ons Heiland kan volg.Laat ons in
‘n tyd waarin soveel aandag geskenk word aan selfontplooing, jou loopbaan, jou
regte, jou sukses, laat ons nie vergeet om in die eerste plek te volg nie.Ja ook jy en
ek, en ook Nileah, moet leer om te roep:Here, wees
ons barmhartig!Here, maak
ons oë asseblief oop!Here, het
medelye met ons!Ontferm u
oor ons!Kyrie, eleison!
Dikwels is
ons bereid om te volg, vir Jesus te volg, maar ons stel wel ons b’s en v’s –
ons bepalings en voorwaardes.Ja ek sal
Jesus volg, ja ek sal kerklid wees, maar bepaalde kamers van my lewe los hulle
uit.My sekslewe.
My
rokerslewe.My dranklewe.
My rassisme.
My geld en
my bates.Gemeente, is
daar ook bepalings en voorwaardes wat jy stel vir die volg van Jesus.In daardie
geval volg jy nie vir Jesus nie.In daardie
geval moet Jesus vir jou volg.Maar ons
teks vandag leer ons:Kurie
eleison!Here, wees
ons barmhartig!As jy volg,
moet jy 100% volg.Anders bly
jy siende blind.As jy volg,
dan sal sy nie siende blind raak nie.As jy volg,
dat bly jou oë gerig op die koninkryk van die hemele.As jy volg,
dan sal jy die heerlikheid sien wat ons te wagte staan.‘n
Heerlikheid wat ons mag beërf, deur lyde en verdrukking heen.Sukses in
hierdie lewe is nie ons hoofdoel nie.Lank gelede
het Jesaja geprofeteer: “in dié dag sal die dowes Skrifwoorde hoor, en uit
donkerheid en duisternis sal die oë van die blindes sien.” (Jes 29:18)Jesus het
hierdie profesie vervul.Ten aansien
van die blindes.Later ook
ten aansien van sommige uit die skare.En ook ten
aansien van jou en my?O Here
Jesus, maak ook my oë oop!Here Jesus,
leer my ook om verder te kyk!Om goed te
kyk.Om te sien
wat u sien.Om my oë
gerig te hou op u koninkryk.Amen.
(kyk in preek)